DCPO Gi-awhag ang mga residente nga isumbong ang mga tindahang padayung gabaligya og bino!!

Nag awhag karun ang Davao City Police Office (DCPO) sa mga residente nga isumbong sa ilang buhatan ugaling adunay mamatikdang tindahan sa ilang lugar nga padayung gapamaligya og ilimong maka hubog.

Sumala pa ni Police Captain Rose Aguilar ang tigpamaba sa DCPO nga dakong kabahin ang mga lumolupyo arun matuman ang 24-hour liquor ban nga kabahin sa mga gibawal ilawum sa gipatumang Enhanced Community Quarantine.

Awhag ni Aguilar nga isumbong sa Police o Auxiliary nga naka assign sa ilang lugar ugaling adunay mamatikdang illegal nga kalihukan arun gilayong mahatagan og aksyon.

Sigun pa nga tungod sa kadaghang tindahan sa syudad dili na malukop og bantay sa kapulisan busa dakong kabahin ang pagtinabangay sa matag indibidwal.

Source: BrigadaNewsDavao