83 Indibidwal Nasikop sa Unang Adlaw sa Pag Implementa sa FM Pass Number Coding!!
83 ka indibidwal ang nasikop sa Davao City Police Office (DCPO) human gisugdan niadtong sabado ang pagpatuman sa Food and Medicine pass number coding.
Sa pakig hinabi sa Brigada news Fm kay Police Captain Rose Aguilar ang tigpamaba sa DCPO nga ang 83 ka masinupakon ang nasikop sa unang adlaw palang sa implementasyon diin gahapong adlawa laing 172 violators na usab ang nasikop.
Sumala pa sa tigpamaba nga sagad sa mga nasikop mga residente sa hilit nga lugar o barangay diin nag tuo sila nga dili masuruyan sa kapulisan ang ilang area.
Gisiguro sa DCPO nga dili lamang sa downtown ang ilang pokus apan lakip usab sa mga suok nga barangay kun asa sagad adunay daghang gahig ulo.
Paabot ni Aguilar sa mga residente nga tumanon ang number coding sa fm pass tungod dili mag duha-duha ang kapulisan nga mopasaka og kaso batok sa mga masinupakon.
Source: BrigadaNewsDavao
