387 Nga Taga Davao de Oro na Stranded sa Davao City Gihakot!!

387 Nga Taga Davao de Oro na Stranded sa Davao City!

Gisugdan na karon sa probinsya paghakot ang 387 mga taga Davao De Oro nga na Stranded sa Davao City pinaagi sa upat ka Metro Shuttle Buses.

Unang adlaw (Mayo 18,2020) adunay duha ka Bus nga gigahin sa provincial government aron sakyan sa mga taga Maco, Mabini, ug Pantukan. Laing duha ka Bus ang gitagana aron sakyan sa mga taga Mawab ug taga Laak nga naglisud pag-uli tungod sa estriktong Quarantine Palicy nga gipatuman sa siyudad aron ang mga katawhan dili matakdan sa makamatayng “CoVid 19”.

Sa milabayng semana gipahibalo ni Senior Tourism Officer Cristine Dompor ang mokabat 1,618 taga Davao De Oro nga na Stranded sa nagkadaiyang mga lugar sa Davao Region ug uban pang mga lugar sa nasud nga planong tabangang makauli ilalom sa “Balik De Oro Special Program” sa probinsya diin way labot sa ihap matud pa niya kadtong mga “Stranded Overseas Filipino Workers (OFWs)” nga ang Overseas Workers Welfare Authority (OWWA) maoy partner sa probinsya sa pagpasayon sa ilang biyahe pauli sa ilang pinuy-anan.

Panahon sa Meeting sa Provincial Inter-Agency Task Force on Emerging Infectious Diseases(PIATF-EID) nga gidumala nila ni Gov. Tyron Uy ug Vice Gov. Maricar Zamora diha sa kapitolyo niadtong Martes (Mayo 12,2020), si Dompor mihatag og report sa preparasyon sa probinsya alang sa malampusong pagpatuman sa “Balik Dde Oro” nga usa ka “Return Home Special Program and Humanitarian Initiative” sa probinsya.

Ang maong programaha gi desenyo aron matabangan kadtong mga taga Davao De Oro nga bisan gusto na untang mouli sa ilang pinuy-anan apan maglisud pag-agi tungod sa nagkaiyang Community Quarantine Policies nga gipatuman sa mga Checkpoints aron mapanalipdan ang kinabuhi sa mga katawhan batok sa “CoViD 19” nga giilang labing makalilisang nga sakit sa kalibutan.

Stranded sa Davao City
Mga taga Davao De Oro nga bisan gusto na untang mouli sa ilang pinuy-anan apan maglisud pag-agi tungod sa nagkaiyang Community Quarantine Policies!!

via Davao de Oro

Source: BrigadaNewsDavao