Duha Ka Hubog Nagbinunalay Sa Brgy. Buri, Matanao, Davao del Sur Arestado!!

Hubog Nagbinunalay Sa Brgy. Buri, Matanao Davao del Sur Arestado!!

MATANAO- ARESTADO sa mga personahe sa Matanao Municipal Police Station ang duha ka hubog sa Prk Balon, Brgy. Buri, Matanao, Davao del Sur, Huwebes sa gabie, human nga naghatag ug kasamok sa maong lugar.

Luyo sa gipagawas nga Mando ni Municipal Mayor Vincent Fernandez, nga ang lungsod sa Matanao ipa ilalom sa Enhanced Community Quarantine kon ECQ aron malikayan ang pagkuyanap sa COVID 19 virus, aduna gihapon daghang malapason.

davao del sur

Gi ila ang mga nadakpan na silang Marlon Maculbe Adrada ug Roberto Pantojan Llego, parehong mga mag uuma ug lumulupyo sa Prk. Balon, Brgy. Buri, Matanao, Davao del Sur.

Matud pa, ang duha sabay pa nga nag inom, ug sa dihang nahubog na, nagbikil na ug istorya. Gibunalan ni Marlon si Roberto ug binugha nga kahoy, ug isip balos, gibunalan pod ni Roberto ug botelya ang ulo ni Marlon nga miresulta sa pagkasamad niini.

hubog nagbinunalay

Nagpaalim pa karun sa balay tambalanan (Provincial Hospital) ang samaran.

Ang duha ka nidakpan mag bayad ug multa, isip paglapas sa Regional Task Force 11-Covid 19 Directives 2020-008, item no. 14 kon LIQUOR BAN.

Lig-ong mando sa alkalde sa maong lumgsod ngadto sa mga kapulisan, tanang malapason sa gipagawas na Ordinansa batok pagkuyanap sa Covid 19 DAKPON.

Source: BrigadaNewsDavao